Fshati Rrostej pa rrugë, banorët: Bashkia Rrogozhinë na ka braktisur. Ujin e kemi nga Zoti, energjinë nga Enveri

<p>Banorët e fshatit Rrostej në Rrogozhinë vuajnë mungesën e rrugës prej vitesh. Ata thonë se kjo ka sjellë si pasojë e kësaj, fshati është shpopulluar. Shkolla e fshatit është mbyllur, ndërsa ata pak fëmijë që kanë mbetur detyrohen të përshkojnë çdo ditë për të shkuar në shkollën më të afërt.</p> <blockquote> <p><em>Kjo është fytyra e bashkisë. Fëmijët bëjnë 12 km për të shkuar në shkollë në Rrogozhinë. Shkolla këtu, dikur me qindra nxënës, është mbyllur. Çdo njeri sakrifikon për fëmijën e vet. Ky fshat ka qenë 80 familje, afërsisht 400-500 banorë. Në këtë shkollë vinin nga zona të Tiranës e Peqinit. Kanë ikur për mungesë shërbimesh. E para rruga, e dyta arsimi. Kanë mbetur vetëm 5 familje. Vijnë punojnë gjatë sezonit, kanë mbjellë ullinj. 30 vjet demokraci e të mos mendosh për këta njerëz. Këta janë njerëz, kanë nevojë për shërbim, nuk po kërkojnë as punë, as gjë. Thjesht rrugë. Unë them që është vjedhur. </em></p> </blockquote> <p>Për rrugën e re të fshatit, Bashkia e Rrogozhinës ka miratuar një fond prej 60 milionë lekësh të vjetra. Por edhe pse ka kaluar më shumë se një vit, banorët e këtij fshati nuk kanë marrë asnjë përgjigje.</p> <blockquote> <p><em>Nuk ka as shkollë, as shërbim shëndetësor. Rrugë nuk ka. Ujë shyqyr Zotit e kemi nga burimet natyrore. Energjinë na e ka sjellë largqofti Enver Hoxha. Fondi është kaluar në buxhetin e 2024. Është miratuar me votat e këshillit bashkiak. Na e kanë premtuar, tani ne duam të dimë pse ndryshuan qëndrim. Kanë 30 vjet që paguajnë taksa. Nuk meritokan asgjë këta? Pse nuk investojnë? Janë ose të paaftë ose të pangopur. </em></p> </blockquote> <p>&nbsp;</p> <p>&nbsp;</p> <iframe width="560" height="315" src="https://www.youtube.com/embed/W1DkDIAt-q8?si=QlQf3t2BY7xO17Te" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>