Presidenti ka kthyer për rishqyrtim në Kuvend ligjin “Për shërbimin përmbarimor gjyqësor privat”.
Për mosdekretimin e ligjit, Presidenti jep disa argumente në një dokument drejtuar Parlamentit.
Presidenca konstaton se disa nene të ligjit të ri, nuk janë në harmoni me legjislacionin aktual në fuqi; shkaqe këto të cilat mund të sjellin zbatim të gabuar në praktikë, apo keqinterpretim me pasojë cenimin e parimeve kushtetuese të sigurisë juridike, si dhe nismës dhe veprimtarisë së lirë ekonomike.
Kreu i shtetit shprehet se ligji nuk përcakton një mekanizëm të qartë ligjor për të evidentuar nevojën reale mbi përcaktimin e numrit të përgjithshëm të përmbaruesve gjyqësor privat, si dhe shtrirjen e këtij shërbimi në të gjithë territorin e vendit.
Ligji në fjalë, i fundit i paketës së Reformës në Drejtësi, u miratua në seancën e 8 majit 2019 me 90 vota pro, 1 kundër dhe 4 abstenime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
