Presidentja e Tajvanit rrugës për në SHBA, Kina kërcënon: Gati për të luftuar

Si të mos mjaftonte fronti i hapur në Ukrainë, tensioni po rritet dhe rreziku i hapjes së një fronti tjetër lufte në Paqësor po bëhet real.

Njoftimi i kalimit tranzit përmes Shteteve të Bashkuara, drejt Nju Jorkut dhe Los Anxhelosit, i Presidentes të Tajvanit, Tsai Ing-wen, si pjesë e një misioni diplomatik në Amerikën Qendrore, mjaftoi për të ndezur tërbimin e Pekinit.

Kina do të kundërsulmojë fuqishëm nëse Presidenti tajvanez Tsai Ing-wen ndalet në SHBA gjatë misionit, tha Zhu Fenglian, zëdhënës i Zyrës së Çështjeve të Tajvanit të qeverisë qendrore, sipas të cilit autoritetet e partisë demokratët përparimtarë “gjetën justifikime dhe shfrytëzuan mundësi të ndryshme për të ndjekur interesat politike të pavarësisë”.

Gjithçka teksa hidhen dyshime për një takim me kryetarin e Dhomës Amerikane, Kevin McCarthy.

Nga ana e tij Uashingtoni mundohet të shuajë zjarrin, përmes një zyrtari anonim që flet për mediat.

Kina nuk duhet të reagojë në mënyrë të tepruar ndaj qëndrimit të Presidentes Tsai Ing-wen në Shtetet e Bashkuara të Amerikës.

Nuk ka absolutisht asnjë arsye që Kina ta përdorë vizitën si pretekst për reagimin e tepruar dhe kryerjen e masave të mëtejshme shtrënguese kundër Tajvanit.

Në vijim u nënvizua se vizita do të jetë një kalim tranzit në përputhje me politikat dhe praktikat e disa dekadave dhe Kina nuk do ta detyrojë qeverinë amerikane të ndryshojë praktikat e saj të vendosura.

Nga ana e saj, protagonistja e përplasjes, në një fjalim të mbajtur në aeroportin Taoyuan, pranë Taipeit, përpara se të nisej për turin e gjatë amerikan që do ta çojë për të vizituar dy aleatët diplomatikë të Taipeit, Guatemalën dhe Belizenë, siguron se Tajvani “do të mbrojnë me vendosmëri vlerat e lirisë dhe demokracisë dhe do të vazhdojnë të jenë një forcë për të mirën e komunitetit ndërkombëtar”.

Ajo shtoi se si një forcë kyçe në ekonominë globale, Tajvani do të vazhdojë të ndjekë prosperitetin dhe zhvillimin e përbashkët të vendit dhe të punojë me aleatët dhe vendet me të njëjtin mendim.

Vendosmëria e Tajvanit për t’u bërë global do të bëhet gjithnjë e më e fortë dhe presioni i jashtëm nuk do të pengojë vendosmërinë e ishullit për t’u globalizuar.