Protesta masive në SHBA. Qytetarët, kundër politikave të Trump dhe Musk

<p>Mijëra njerëz organizuan protesta kundër Trump dhe shefit të Tesla, Elon Musk në të gjithë SHBA dhe përtej kufijve për të shprehur pakënaqësinë me politikat dhe veprimet e administratës aktuale.</p> <p>Turmat e njerëzve të zemëruar me mënyrën se si presidenti amerikan Donald Trump dhe administrata e tij kanë drejtuar vendin kanë dalë në rrugë në protesta mbarëkombëtare për të shprehur kundërshtimin e tyre në shumë qytete amerikane të shtunën.</p> <p>Lëvizja protestuese – e ashtuquajtura Hands Off! – u organizua për më shumë se 1200 lokacione në të 50 shtetet nga më shumë se 150 grupe, duke përfshirë organizata të të drejtave civile, sindikata të punës, avokatë LGBTQ+, veteranë dhe aktivistë zgjedhorë.</p> <p>Tubimet u shfaqën paqësore nuk u raportuan raste të dhunës, përleshjeve apo arrestime.</p> <p>Nga parku National Mall në kryeqytetin Uashington DC, në Midtown Manhattan, në Boston Common dhe kryeqytetet e shumta të shteteve, mijëra protestues sulmuan veprimet e Trump dhe njeriun më të pasur në botë, Elon Musk.</p> <p>Kritikët shprehën kundërshtimin e tyre ndaj politikave dhe qasjeve të administratës aktuale, të cilat përfshinin pakësimin e qeverisë federale, ekonominë, imigracionin dhe të drejtat e njeriut.</p> <p>Demonstruesit u mblodhën edhe për të kundërshtuar lëvizjet e administratës për të shkarkuar mijëra punonjës federalë, për të mbylljen e zyrave në terren të Administratës së Sigurimeve Shoqërore agjencive të tëra qeveritare, si USAID.</p> <p>Protestuesit mbanin tabela dhe pankarta ku lexonin "Kurthi i Muskratit" dhe "Dëboni Elon Musk" në kundërshtim të qartë të politikave të tij. Shumë kanë kritikuar gjithashtu Musk – i cili zotëron Tesla, SpaceX, Starlink dhe X – për rolin e tij në qeveri, duke qenë një qytetar i natyralizuar.</p> <p><em>"Këtu në Amerikë, zoti Musk, drejtësia nuk shitet. Dhe ne nuk bëjmë shorte për gjyqtarët e Gjykatës së Lartë shtetërore për çmime miliona dollarësh. Mos u përpiqni të blini votat tona. Mos e grabitni qeverinë tonë. Dhe ndaloni së vjedhuri të dhënat tona"</em></p> <p>E pyetur për protestat, Shtëpia e Bardhë tha në një deklaratë se "Pozicioni i Presidentit Trump është i qartë: ai gjithmonë do të mbrojë Sigurimet Sociale, Medicare dhe Medicaid për përfituesit e kualifikuar".</p> <p><em>“Ndërkohë, qëndrimi i demokratëve po u jep përfitime të Sigurimeve Sociale, Medicaid dhe Medicare për të huajt ilegalë, të cilët do të falimentojnë këto programe dhe do të shtypin të moshuarit amerikanë”,</em> shtoi Shtëpia e Bardhë.</p> <p>Protestat u zhvilluan edhe përtej SHVA, pasi qindra qytetarë amerikanë jashtë vendit dhe shtetas të huaj protestuan kundër qasjes së politikës së jashtme të Trump.</p> <p>&nbsp;</p>