Efektivi i forcave të Posaçme “Shqiponja”, shtetasi me inicialet N.H., është arrestuar disa orë pasi qëlloi për vdekje 25-vjeçarin Klodjan Rasha. Ndaj tij ka nisur një hetim nga ana e Prokurorisë së Tiranës, ndërsa akuza që rëndon është ajo e “Vrasja në tejkalim të kompetencave” dhe “Shpërdorim detyre”.
Polici gjithashtu është pezulluar nga detyra është arrestuar nga SHÇBA me urdhër të prokurorisë.
Ngjarja ndodhi rreth orës 01:45, kur i riu kishte dalë nga banesa. Efektivi i policisë pretendon se e ka thirrur për ta kontrolluar për shkak se ai kishte shkelur orën policore. Sipas tij në këtë moment i riu i ka nxjerrë armën dhe për këtë arsye ka qëlluar në drejtim të tij.
Nga ana tjetër familjarët e viktimës pretendojnë se i riu ka qenë i paarmatosur me dy hurma në dorë dhe kishte dalë nga shtëpia për të pirë kafe. Ata kërkojnë të zbardhet sa më shpejt e vërteta e kësaj ngjarje. Mësohet se 25 vjeçari ka qenë më parë i dënuar për “plagosje të lehtë me dashje” dhe “heqje të paligjshme të lirisë” në vitin 2016.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
