Pjerin Xhuvani, 56-vjeç që mbeti i vrarë pasditen e sotme në qytetin e Elbasanit pas një konflikti për shit-blerjen e votave, është një person i njohur në politikë dhe jo vetëm. Ai ka qenë kryetari i degës së Lëvizjes Socialiste për Integrim në Elbasan.
56-vjeçari ka mbajtur disa pozicione drejtuese në disa drejtori të LSI-së në qarkun e Ebasanit. Në vitin 2015 ai u arrestua teksa ishte drejtori i Drejtorisë Rajonale të Fondi i Sigurimit të Kujdesit Shëndetësor. Gjykata e Tiranës në korrik të vitit 2016, e dënoi atë me 3 vite burg, denim i cili u konvertua në 2 vite e gjysmë shërbim prove si dhe heqje e së drejtës së ushtrimit te funksioneve publike për 3 vite.
Xhuvani në atë kohë u dënua për shpërdorim detyre dhe falsifikim dokumentesh. Në vitin 2017, Pjerin Xhuvani u bë pjesë e Partisë Drejtësi Integrim dhe Unitet. Së fundmi ai ishte në radhët e Partisë Socialiste. Në përplasjet qe ndodhën më 14 mars të këtij viti, gjatë festimeve të ditës së verës në Elbasan, Partia Demokratike e akuzoi Pjerin Xhuvanin, si personi që organizoi incidentet mes militantëve të PD dhe PS.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
