Argjentinë, pilulat e emergjencës do të shiten pa recetë

Gratë në Argjentinë nuk do të kërkojnë më recetë për të blerë pilulat e kontracepsionit urgjent.

Lëvizja u mirëprit nga grupet feministe, të cilat e shohin atë si një shenjë përparimi në vendin me shumicë katolike.

Ministria e Shëndetësisë tha se masa do të ndihmonte në shmangien e shtatzënive të padëshiruara duke kapërcyer vështirësitë e aksesit në shërbimet shëndetësore, furnizimet kontraceptive dhe edukimin me të cilat përballen disa gra.

Në vitin 2020, vendi legalizoi abortet deri në javën e 14-të të shtatzësisë, një veprim i kundërshtuar nga Kisha, e cila u kishte bërë thirrje senatorëve të refuzonin projektligjin.

Pilulat e kontracepsionit të urgjencës, të marra brenda 120 orëve pas seksit të pambrojtur parandalojnë shtatzëninë duke bllokuar fekondimin e vezës,sipas Organizatës Botërore të Shëndetësisë, megjithëse është më efektive brenda 12 orëve.