Avokati Ili Gërdupi i ftuar në emisionin “Të Paekspozuarit” në MCN tha se GJK e ka konsideruar çështjen e Ballukut të mbyllur dhe nuk do të mblidhet më për këtë rast.
Ai theksoi se në këtë situatë vendimi i GJKKO mbetet në fuqi, ndërsa mungon një arsyetim i detajuar dhe detyrues nga GJK.
Sa i përket pjesës proceduriale, ka një vendim. Nga pikëpamja kuptimore, nuk ka një vendim, por GJK nuk mblidhet më për këtë çështje. GJK e konsideron të ezauruar. Nëse do të merrnim për ekuivalent, që do të shqyrtohej antikushtetueshmëria e një ligji, mblidhej 4-4, ligji në atë rast do të konsiderohej jo anti kushtetues, pasi nuk do të kishte 5 për mazhorancë për ta rrëzuar.
Në rastin konkret, kemi një kërkesë që kërkon interpretim. Në këtë rast nuk u dha interpretimi. Për çështjen konkrete, vendimi i GJKKO mbeti në fuqi, kjo është vendimarrja e GJK. Arsyetimi, është një vendim që nuk e kemi, nuk kemi vendim detyrues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
