Vrasja e dy vëllezërve në Roskovec/ Bregu: Krimi si pasojë e një konflikti të gjatë dhe të vjetër

Dy vëllezër Gramoz e Vladimir Kurtaj u ekzekutuan dje me breshëri kallashnikovi në Roskovec. 

Gazetari Sokol Bregu tha në studion e MCN Live se ngjarja e rëndë është pasojë e një konflikti të vjetër dhe të vazhdueshëm.

Gjakftohtë ishte, nuk u përpoq të largohej. I shpjegoi të gjithëve itinerarin. Tha që kishte kryer një krim të dyfishtë, por nuk ka qenë histori e asaj grindjeje. Vrasje të tilla vijnë si pasojë e një konflikti të gjatë, të një historie mes dy palëve.

Kur dy persona kanë një konflikt të përhershëm, nuk e shohim dot me sy njëri-tjetrin në një moment fillojnë dhe krijojnë një urrejtje të jashtëzakonshme. Duhet vetëm një shkëndijë dhe kriset situata, në të kundërt nuk mund të jesh kaq gjakftohtë pa qenë një person me aktivitet kriminal.

Konflikti ka qenë aq i vjetër dhe është toleruar prej kohësh.