Trafiku i drogës nga Shqipëria drejt Italisë vijon.
Një sasi e madhe marijuane është kapur nga policia e Leçes, në shtetin fqinj.
Siç raportojnë mediat italiane, një gomone me marijuanë në vlerën 3 milionë euro është kapur nga Guardia di Finanza e Barit gjatë orëve të natës.
Në pranga janë vënë dy shqiptarë, identiteti i të cilëve nuk bëhet i ditur.
Sasia prej 3 kuintalë marijuanë dhe 10 hashash, e mbërritur nga Shqipëria, është sekuestruar së bashku me mjetin e transportit: një gomone me gjatësi 10 metër.
Mediat lokale në Bari shkruajnë se operacioni është finalizimi i një bashkëpunimi mes autoriteteve të policisë shqiptare dhe asaj italiane.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
