Në Ditën e Rinisë, të rinjtë e Forumit Rinor të PD-së po protestojnë para 4 institucioneve qeveritare. Protesta është parashikuar të përmbyllet në një të vetme para ndërtesës së Kryeministrisë.
Para Ministrisë së Arsimit, të rinjtë protestojnë kundër reformës në arsimin e lartë.
Një tjetër grup demokratësh protestuan para Ministrisë së Shëndetësisë për korrupsionin dhe kontrata koncesionare të firmosura nga ministri Beqaj.
Para Ministrisë së Brendshme, ata protestojnë për situatën e drogës. Ndërkohë, një tjetër protestë po zhvillohet para Bashkisë së Tiranës, për vdekjen e 17-vjeçarit Ardit Gjoklaj, në landfillin e plehrave në Sharrë.
Mwsdita do të mbledhë në një të vetme të katër protestat e të rinjve demokratë. Në orën 12:00, ata do të protestojnë para godinës së Kryeministrisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
