Strehimi i afganëve, Xhaçka: Shqipëria e gatshme të presë qindra prej tyre

Pas konfirmimit të vendimit për ardhjen e afganëve në vendin tonë një reagim ka ardhur këtë paradite nga Ministrja e Jashtme Olta Xhaçka.

Përmes një postimi në rrjetin social Twitter, Xhaçka shkruan se Shqipëria është e gatshme të presë qindra afganë, jeta e të cilëve kërcënohet nga përkeqësimi i situatës së sigurisë.

Shqipëria është e gatshme të presë qindra afganë, jeta e të cilëve kërcënohet nga përkeqësimi i situatës së sigurisë. Ne qëndrojmë krah për krah me aleatët tanë, të gatshëm për të garantuar sigurinë dhe mirëqenien e tyre.

Nga ana e tyre, Shtetet e Bashkuara të Amerikës kanë lavdëruar Shqipërinë për vendimin për të pranuar strehimin e afganëve. Sipas autoritetit të lartë amerikan, populli afgan meriton të jetojë i sigurtë.

Ditën e djeshme ishte ish-Sekretarja e Shtetit, Madaleine Albright bashkë me Komitetin për Marrëdhëniet me Jashtë të Senatit të SHBA që mirëpritën vendimin e Shqipërisë për afganët.

Nga ana tjetër në Shqipëri kryeministri Edi Rama, lideri i opozitës Lulzim Basha kanë qenë ‘pro’ teksa vendimin e ka përshëndetur edhe ambasadorja amerikane, Yuri Kim.