Një pikë karburanti në superstradën Lezhë-Shkodër ka rënmë pre e grabitjes. Dy persona të maskuar dhe të armatosur kanë dhunuar barbarisht rojën dhe nën kërcënimin e armës kanë marrë të gjitha paratë e kasafortës.
Ngjarja ka ndodhur rreth orës 3 të mëngjesit të së dielës pranë fshatit Dajç të Lezhës.
Dy grabitësit kanë shkuar në këmbë nga pjesa e pasme e karburantit, ku nën kërcënimin e një arme automatik që mbante në duar njëri prej tyre, i kanë kërkuar dy punonjësve që t’ju jepnin paratë që kishin në kasafortë, raproton ORA.
Në këto kushte njëri prej punonjësve të karburantit Lek Përkeqi, i cili ishte rojë i objektit ju ka bërë rezistencë dy grabitësve, duke u përleshur me to. Ata e kanë goditur 50-vjeçarin disa herë në kokë me një leve që mbanin me vete, duke e lënë pa ndjenja.
Më pas kanë marrë shumën e parave që kanë gjetur në kasafortë dhe janë larguar sërish në këmbë, pa u shqetësuar.
Policia ka nisur menjëherë hetimet në lidhje me ngjarjen, ndërsa po merret dëshmia e dy punonjësve të karburantit që ranë pre e grabitjes.
Pas verifikimeve rezultoi se shuma e parave të grabitura është 1 milion lekë të vjetra dhe 200 euro.
Dyshimet janë se autoret mund të jenë banore të zonës të cilët e njohin mirë terrenin, kjo duke ju referuar dhe faktit se ata kanë lëvizur në këmbë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
