38 patenta janë bllokuar sot nga policia në të gjithë akset e vendit për shkak të shpejtësisë mbi normal e lejuara, e cila verion plus 70-80 km/h. Ndërkohë janë vendosur 237 gjoba për parakalime të gabuara dhe 15 për mosrespektim të sinjalistikës rrugore dhe manovra të rrezikshme në rrugë.
Sakaq nga policia janë marrë 4 masa maksimale me vlerë 30 mijë lekë të reja, pasi drejtuesit e mjeteve ishin shtetas të huaj.
Ndërkohë 94 gjoba kanë qenë për mosvendosjen e rripit të sigurimit, ndërsa 123 për përdorimin e celularit. Gjoba ka patur edhe për motorët, shoferët e të cilëve nuk kanë përdorur kaskën mbrojtëse. 90 prej tyre janë gjobitur.
Nga kontrollet me drager në të gjithë vendin janë pezulluar 11 leje drejtimi për drejtim mjeti nën efektin e alkoolit. Janë arrestuar në kushtet e flagrancës për drejtim mjeti në gjendje të dehur dy drejtues mjetesh, si dhe dy të tjerë për drejtim mjeti pa leje drejtimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
