Kanceri i gjirit ka lënë pas kancerin e mushkërive si varianti më i shpeshtë i sëmundjes në shumë raste vdekjeprurëse. Këtë ndryshim të renditjes e bën të ditur Organizata Botërore e Shëndetësisë (OBSH).
Zyrtarët e OBSH-së gjatë një konferencë të Kombeve të Bashkuara të martën, përpara 4 shkurtit, Ditës Botërore të Kancerit, që synon ndërgjegjësimin dhe parandalimin e sëmundjes, thanë se për herë të parë pas dy dekadash, renditja e tumoreve më të rrezikshme ka ndryshuar.
"Për herë të parë, kanceri i gjirit tani është kanceri më i zakonshëm në të gjithë botën", tha Andre Ilbaëi, specialist i kancerit në OBSH.
Kanceri i mushkërive mbeti varianti më i zakonshëm i sëmundjes për dy dekadat e fundit, deklaroi Ilbawi, dhe tani ka rënë në vendin e dytë. Varianti i tretë më i shpeshtë i kancerit është ai kolorektal.
Eksperti vuri në dukje se mbipesha te gratë mbetet faktori më i zakonshëm i rrezikut, që ka kontribuar shumë në rritjen e numrit të të prekurave nga kanceri i gjirit. Variantet e ndryshme të kancerit pritet të bëhen më të zakonshme në dekadat e ardhshme ndërsa popullsia e botës dhe jetëgjatësia janë në rritje. Ndërsa në vitin 2020 u regjistruan rreth 19.3 milion raste, shifra pritet të rritet me 30%, në rreth 30 milionë në 2040.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
