Kreu i PD-së, Lulzim Basha, njoftoi sot se partitë opozitare do të zbatojnë vendimin për t’u çregjistruar në KQZ si një mënyrë për t’i hapur rrugë qeverisë teknike. Basha e bëri këët deklaratë gjatë fjalimit të sotëm në çadrën para Kryeministrisë, ku demokratët po protestojnë prej mëse 3 javësh.
“Ti me kriminelë, unë me pedagoë; ti kundër ligjit, ne me ligjin; ti kundër zgjedhjeve, ne për zgjedhjet; ti për drejtësinë e kapur, ne për drejtësi të vërtetë.
Sot partitë opozita do të dorëzojnë në KQZ ultimatumin për zgjedhje të lira e të ndershme. Me hapin e sotëm opozita provon luajalitetin ndaj kauzës së çdo qytetari shqiptar. Klanet në pushtet guxuan të vënë në pikëpyetje gatishmërinë tonë për t’i qëndruar kauzës. Dje e morën me fjalë garancinë për këtë, sot do ta marrin me firmë e me vulë. Ne do të jemi këtu për një qëndrim të madh qytetar, kauzë europaine: zgjedhjet e lira e të ndershme. Qeverinë e ka kapur paniku dhe kur ne flasim, fusin kokën poshtë minderit”, tha Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
