Në Mal të Zi, situata politike është e tensionuar. Protesta e radhës nxori në pah nevojën për zgjedhjet të parakohshme parlamentare, një skenar që sipas analistëve është zgjidhja e vetme. Në studion e lajmeve përmes një lidhjeje Skype, gazetari Gjok Duka tha se ngërçi institucional në të cilin ka hyrë vendi e bën të domosdoshme mbajtjen e zgjedhjeve parlamentare.
Kjo është protesta e tretë në radhë gjatë këtij muaji. Kërkesat janë të njëjta. Janë thënë akuza të rënda për kryeministrin Abazoviç, por nuk janë të parat që i drejtohen. Nga partitë opozitare, ish-pushteti përsëriten në vazhdimësi. Situata politike vijon të jetë e tensionuar, në radhë të parë për shkak të krizës institucionale. U desh që ditët e fundit nga Brukseli të vijë një mesazh i fortë për zgjedhjen e anëtarëve të Gjykatës Kushtetuese. Sipas analistëve, zgjedhjet e parakohshme mbeten zgjidhja më e përshtatshme për zgjidhjen e krizës institucionale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
