Një studim i fundit i publikuar në revistën shkencore “Nature Geoscience”, thotë se planeti Mars mund të ketë qenë gjithnjë i mbuluar nga akullnajat. Kjo sfidon teoritë e mëparshme se Marsi ishte i ngrohtë dhe i lagësht në atë kohë, i mbuluar në lumenj, oqeane dhe nën reshje të mëdha shiu.
Shkencëtarët thonë se kishte aq shumë akull para 3.8 miliardë viteve më parë saqë u krijuan lugina të mëdha, të cilat ende mund të shihen sot.
Në bazë të një algoritmi që shërben për studimin e erozionit tokësor, kërkuesit kanë analizuar mbi 10 mijë kanale, kanione, dhe lugina marsiane. Më pas të dhënat janë konfrontuar më struktura dhe kanale të arkipelagut arktik kanadez, veçanërisht me terrenin e ishullit Devon, një shkretëtirë polare që nga ekspertët e fushës konsiderohet si vend që paraqet analogji me realitetin e Marsit.
Ky krahasim paraqet ngjashmëri të mëdha kanë shpjeguar autorët e studimit dhe sipas tyre ato që më parë janë interpretuar si shtretër lumenjsh me ujë në gjendje të lëngshme, mund të jenë krijuar nga akujt. Megjithatë edhe sikur ky skenar i propozuar nga ky studim të ishte i vërtetë, kjo gjë nuk përjashton hipotezën që në planetin e kuq të ketë patur jetë, qoftë edhe në nivel mikrobik.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
