Pozoi lakuriq në malin e shenjtë, dëbohet turisti rus dhe i ndalohet hyrja në Bali

Pozoi lakuriq në malin e shenjtë Agung, depërtohet rusi dhe i ndalohet hyrja në Bali

Një burrë rus do të dëbohet nga Indonezia për pozimin pa rroba në majë të një mali të shenjtë në Bali. Një foto e burrit duke pozuar me pantallonat rreth kyçeve të këmbës në malin Agung u bë virale javën e kaluar.

Burri, i identifikuar vetëm si Yuri, ka kërkuar falje, por do të ndalohet të hyjë sërish në Indonezi për të paktën gjashtë muaj. Bali ka shtuar kohët e fundit përpjekjet për të goditur turistët e huaj me sjellje të keqe.

Mali Agung, pika më e lartë në ishull, besohet nga hindutë të jetë shtëpia e perëndive. Një zyrtar lokal tha se nuk kishte "asnjë justifikim" për sjelljen e tij.

"Ai shkeli normat dhe nuk tregoi respekt për kulturën tonë," tha kreu i Zyrës së Ligjit dhe të Drejtave të Njeriut në Bali, Anggiat Napitupulu për The Jakarta Post.

Në një video të postuar në Instagram në rusisht, Yuri tha: "Veprimi im nuk ka justifikim. E vetmja gjë që çoi në atë që ndodhi ishte injoranca ime personale".

Më vonë ai mori pjesë në një ceremoni të veçantë pastrimi për malin, një ritual i mbajtur shpesh nga vendasit pas incidenteve të tilla.

Wijaya, konsulli i përgjithshëm i nderit i Rusisë në Bali, i tha CNN Indonesia se turisti ishte "i çmendur" dhe se deportimi i tij ishte gjëja e duhur për t'u bërë. Shumë vendas në mediat sociale gjithashtu mbështetën deportimin e tij.