"Dënojmë shkeljen e integritetit territorial të Ukrainës", tha sot presidenti brazilian, Luiz Inacio Lula da Silva në takimin e G7 në Hiroshima, në një fjalim të mbajtur në seancë me titull "Drejt një bote paqësore, të qëndrueshme dhe të begatë".
Gjatë fjalës së tij, Lula kritikoi edhe një herë përbërjen aktuale të Këshillit të Sigurimit të OKB-së, me argumentin se “mekanizmat shumëpalësh për parandalimin dhe zgjidhjen e konflikteve nuk funksionojnë më”.
Në Twitter, udhëheqësi brazilian më pas iu rikthye të fliste për paqen, duke deklaruar se luftimet "shtojnë vuajtjet njerëzore, humbjen e jetëve njerëzore dhe shkatërrimin e shtëpive".
"Pothuajse deri në rraskapitje e kam përsëritur se duhet folur për paqen. Asnjë zgjidhje nuk do të zgjasë nëse nuk bazohet në dialog. Duhet të punojmë për të krijuar hapësirë", përfundoi Lula.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
