Postimi i fundit i Noizy-t është komentuar nga Dasara në emisionin e saj “Dasara radio show” në MCN Radio. Fotoja e postuar nga këngëtari alarmoi fansat dy ditë më parë, pasi në të ai shfaqej me kokën të mbështetur pas timonit të makinës dhe i gjakosur.
Dasara e cilësoi “humor lacash” këtë “rreng” që Noizy u bëri ndjekësve të tij në rrjetet sociale, për t’i sqaruar më pas me një postim tjetër ku saktësonte se fotoja ishte marrë nga xhirimet e një filmi.
“Ka tentuar të bëjë këtë humorin e tij prej lacash, humor kinez ose kaps. Pastaj i ka qetësuar fansat, duke u thënë se gjithçka është pjesë e një filmi, pasi Noizy po provon edhe kinematografinë”, komentoi Dasara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
