B.A. janë inicialet e një oficereje të policisë së Vlorës, që mendohet se është prova kryesore e Prokurorisë së Krimeve të Rënda kundër ish-ministrit Saimir Tahiri.
B.A., ende në detyrë, dyshohet se ishte në dijeni të të gjitha lëvizjeve të grupit të Habilajve, madje ka udhëtuar me Moisi Habiljan në drejtim të Italisë dhe të Greqisë disa herë.
Sipas bisedave të përgjuara nga Prokuroria e Katanias, ka rezultuar se B.A. shërbente si këshilltare e grupit dhe i orientonte anëtarët të përdornin numra të quajtur “citofonë” për të mos u gjurmuar nga përgjimet e policisë italiane, shkruan sot “Shqiptarja.com”.
Në një nga përgjimet, ajo i thotë Maridian Sulajt se aparati i telefonit duhet të shkatërrohet plotësisht, pastaj të hidhet. Sipas saj, kjo është mënyra e vetme që asgjëson memorien e telefnit por edhe shmang lokalizimin e personit që e ka përdorur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
