Të paprecedentë e cilëson djegien e mandateve kryeministri Edi Rama. Në një intervistë për Rainews24, kreu i qeverisë ripërsërit deklaratën se nuk dorëhiqet, ndërsa fton opozitën për dialog.
Kryeministri Edi Rama nuk është aspak dakord me vendimin e opozitës për djegien e mandateve. Këtë ai e ka bërë të qartë edhe në mediat ndërkobëtare
“Është një akt që nuk është bërë kurrë në një demokraci parlamentare ku populli prezantohet përmes të zgjedhurve të tij që duhet t’i përgjigjen popullit”, thekson Rama.
Në intërvistën për rai neës 24 kreu i qeverisë ka bërë edhe krahasimin e dy protestave të muajve të fundit në shqipëri
“Protesta e studentëve ishte një protestë e popullit. Ishin të gjitha kërkesat e arsyeshme dhe ne i dëgjuam. Kishin të drejtë të protestonin. Kjo këtu nuk është një protestë popullore. Janë të dëshpëruar për faktin që nuk fitojnë”, deklaroi kreu i qeverisë.
Sa i takon zgjedhjeve të përgjithshme, kryeministri ka deklaruar se mazhoranca aktuale është para në të gjitha sondazhet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
