Parlamenti anglez ka votuar sot në favor të shtyrjes së afatit së daljes së vendit nga BE-ja.
Pas ish-kryeministres Theresa May, Parlamenti i Britanisë së Madhe i ka dhënë një ‘shuplakë’ edhe kryeministrit aktual, Boris Johnson, përsa i takon marrëveshjes së Brexit për daljen e Anglisë nga Bashkimi Evropian.
Kryeministri është zotuar të prezantojë legjislacionin e nevojshëm për të zbatuar marrëveshjen e tij në Parlament sërish javën e ardhshme.
Me 322 vota pro dhe 306 kundër, deputetët vendosën që të miratojnë një amendament, i cili shtyn votimin e marrëveshjes së arritur nga Qeveria, deri sa kjo e fundit të miratojë një tjetër ligj që shmang daljen nga unioni pa marrëveshje, diçka që Kryeministri ka kërcënuar që do të bëjë nëse nuk miratohet ujdia e fundit e arritur.
Por pas votimit të sotëm kryeministri anglez Boris Johnson është i detyruar të kërkojë një afat të ri për daljen nga tregu i përbashkët ekonomiko-politik europian deri në orën 23:00, thotë BBC.
Ishte vetë Johnson ai që këmbënguli se Anglia do të mbyllë procedurat e daljen nga BE-ja në datë 31 tetor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
