Detaje të reja dalin në dritë lidhur me krimin e rëndë në familje të regjistruar pasditen e djeshme në Librazhd, ku burri vrau me sëpatë bashkëshorten dhe më pas u vetëflijua.
Nga informacionet e reja që televizioni MCN disponon, autori vrasjes Qemal Bici prej kohësh ka patur konflikte me bashkëshorten Lumturie Bici por Dega e Policisë së Librazhdit nuk ka pasur një regjistrim.
Qemal Bici ishte një përdorues i alkoolit dhe të dy bashkëshortët figurojnë të pa punë, dhe të vetme të ardhura që ata merrnin ishin nga produktet bujqësore.
Debati ka nisur në dhomën e gjumit dhe mendohet për shkaqe xhelozie ku dhe është vendi që ka vrarë viktimën Lumturie Bicin dhe me pas është vetëflijuar në njërën nga pemët e oborrit të shtëpisë.
Të vetmit dëshmitar në vendngjarje ka qenë djali i vogël ku është kthyer në shtëpi me një shok dhe menjëherë ka lajmëruar policinë. Qemal dhe Lumturie Bici kanë 4 fëmijë, 2 vajza dhe 2 djem, njëra nga vajzat jeton ne Greqi dhe tjetra në Tiranë, ndërsa djali i parë i familjes Bici që ndodhet në Angli ka qenë i shpallur në kërkim me urdhër të prokurorit të Elbasanit.
Ndërkohë policia ka ngritur një grup hetimor dhe po punon për të zbardhur të plotë ngjarjen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
