Një person ka humbur jetën paraditen e sotme në Shkodër, si pasojë e një shpërthimi.
Ngjarja e rëndë u shënua rreth orës 10:10, në lagjen “Manush Alimani”, në hyrjen e një pallati, ku dyshohet se ka shpërthyer paneli i matësave të energjisë elektrike.
Si pasojë u dëmtua Hysni Ymeri, 67 vjeç, i cili ka humbur jetën në Spitalin Rajonal Shkodër.
Grupi hetimor nën drejtimin e Prokurorisë po punon për dokumentimin e rrethanave të ngjarjes dhe për përcaktimin e shkakut të shpërthimit të matësave elektrikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
