Degët e mjekësisë dhe teknologjisë mbeten më të preferuarat nga të rinjtë, ndërkohë që rritje pozitive është vënë re edhe për mësuesinë dhe programet profesionale. Në studion e lajmeve në MCN TV, përmes Skype, ekspertja e arsimit, Irsa Ruçi, tha se janë të domosdoshme programet orientuese për maturantët, të cilët priren në përzgjedhjen e degëve nga ajo që është “në modë”. Ruçi tha se një orientim i konsultuar më parë mes Ministrisë së Arsimit, Departamentit të Administratës Publike, biznesve dhe grupeve të tjera të interesit do të çonte të rinjtë drejt degëve të duhura dhe do të ndikonte pozitivisht në tregun e punës.
“Duhet një studim i tregut, ku Ministria e Arsimit, Administrata Publike, bizneset të bëhen bashkë për një orientim. Nxënësit duhet ta kenë sapo të mbarojnë klasën e nëntë. Duhet të shkojmë drejt zanateve. Është nevojë e tregut. Të rinjtë duhet ta kuptojnë se nuk prodhon punësim thjesht juridiku dhe mjekësia”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
