Policia e Tiranës ka arrestuar shtetasen Tire Alldervishi, nën akuzën se i mori një qytetareje rreth 8 milionë lekë të vjetra për t’i shërbyer nënës e cila ishte e infektuar nga koronavirusi, por që e kishte lënë të vdiste duke mos i dhënë as ushqim.
59-vjeçarja Alldervishi është arrestuar mëngjesin e sotëm nga Policia e Tiranës, pas denoncimit të bërë në media, ku rezultonte se ajo ishte prezantuar si infermiere te shtetasja E. S., duke i marrë 8 milionë lekë për t’i shpëtuar të ëmën 55 vjeçe, por që kjo e fundit kishte ndërruar jetë te Spitali Covid-2 “Shefqet Ndroqi”.
Sipas denoncimit, në muajin dhjetor (gjatë kohës kur nëna e kallëzueses ndodhej e shtruar në spital), sanitarja e ka mashtruar, duke i marrë rregullisht shuma të ndryshme monetare. Ndërkohë, nën hetim janë edhe 4 persona të tjerë në këtë spital të dyshuar për korrupsion.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
