Sekretari amerikan i Shtetit Antony Blinken tha të hënën se 70% e 350 milionë dollarëve shtesë në mbështetje të mbrojtjes për Ukrainën që Presidenti Joe Biden autorizoi javët e fundit "është tashmë në duart e ukrainasve, duke u përdorur në mënyrë shumë efektive kundër agresionit rus".
Duke folur në një konferencë shtypi në Letoni, Blinken tha se priste 10 miliardë dollarë ndihmë urgjente nga Kongresi i SHBA "shumë shpejt" dhe tha se një ndihmë e tillë do të shkojë për "ndihmë shtesë të sigurisë, ndihmë humanitare për Ukrainën si brenda dhe jashtë saj dhe për përpjekjet e mëtejshme për të përforcuar krahun lindor të NATO-s”.
Diplomati i lartë amerikan përsëriti se SHBA beson se një zonë ndalim-fluturimi ka potencialin për të zgjeruar konfliktin.
Përpjekjet tona janë të gjitha në drejtim të përfundimit sa më të shpejtë të kësaj lufte, t'i japim fund sa më shpejt vuajtjeve. Dhe ajo që ne nuk duam të bëjmë është ta zgjerojmë atë, dhe ta zgjerojmë atë në vendet tona, në territorin tonë. Zona e ndalim-fluturimit, për të qenë shumë e qartë se çfarë përfshin, kjo do të thotë se nëse avionët rusë shkelin zonën që është shpallur, ne i rrëzojmë ata. Dhe kjo ka rrezik të konsiderueshëm të krijimit të një konflikti të drejtpërdrejtë midis vendeve tona dhe Rusisë dhe kështu një luftë më të gjerë, e cila nuk është në interesin e askujt, duke përfshirë popullin ukrainas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
