Zbulimi i fundit arkeologjik në Lin të Pogradecit, i ka hapur rrugën një datimi më të hershëm historik, të vendbanimeve palafite në Europë.
Ka nisur para tre vitesh, por ende ekspedita e arkeologëve nënujorë buzë liqenit në fshatin Lin, vijon të zbulojë gjurmë arkeologjike të palafiteve, në një sipërfaqe prej 35 mijë metrash katrorë.
Drejtuesi i projektit, zvicerani Albert Hafner shpjegon se materialet e gjetura deri më tani, janë të mjaftueshme për të provuar se në Lin, është ngritur vendbanimi palafit më i vjetër në Europë, që daton 7800 vjet më parë.
Ndërsa arkeologu shqiptar, Adrian Anastasi rrëfen për MCN më shumë mbi teknikën e ndërtimit të këtyre banesave, të cilat sipas tij, shënuan lindjen e një arkitekture të re të ndërtimit, më të ndërlikuar se ajo e zbuluar deri më tani.
Një nga detajet më interesante nga gjetjet në projektin Lin 3 janë qeramikat. Arkeologu Gjipali rrëfen se ajo janë të punuara me një stil dekorativ të veçantë, që tregon edhe më shumë për mënyrën e jetesës së këtij komuniteti.
Por edhe pozicioni i banesave nuk është i paqëllimshëm. Ky komunitet ka zgjedhur të ndërtojë buzë liqenit pasi veprimtaritë e tyre ekonomike, lidheshin kryesisht me blegtorinë, bujqësinë dhe peshkimin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
