Një 36-vjeçar nga Tirana ndodhet në spital nën kujdesin e mjekëve si pasojë e një aksidenti që mund të ishte shndërruar në fatal brenda pak sekondash. Kjo pasi personi në fjalë, me inicialet E.L ka rënë aksidentalisht nga ballkoni i katit të katërt në banesën e tij në zonën e Astirit.
Ngjarja më konkretisht ka ndodhur në orën 20:50 në rrugën ‘Loni Ligori’. Nga hetimet paraprake të policisë dyshohet se personi në fjalë vuan nga probleme mendore.
Tiranë/Informacion paraprak
Më datë 14.07.2020, rreth orës 20:50, në Astir, në rrugën “Loni Ligori”, aksidentalisht ka rënë nga ballkoni i katit të katërt shtetasi E.L., 36 vjeç, i cili u dërgua në spital, dhe ndodhet nënkujdesin e mjekëve.
Grupi hetimor dhe sherbimet e Policisë ndodhen në vendngjarje dhe po vijojnë punën për zbardhjen e rrethanave të ngjarjes, ku paraprakisht dyshohet se vuan nga probleme të shëndetit mendor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
