“Më kërkuan 2 milionë euro për postin e kreut të FSHF-së”

Ish­-futbollisti i Kombëtares shqiptare, Rudi Vata, ka dhënë një deklaratë të fortë sa i takon rastit kur ai kandidoi për t’u bërë president i Federatës Shqiptare të Futbollit. Gjatë emisionit “Rubrika Sportive” në TVSH, tha se kur kandidoi për postin e presidentit të FSHF-së i është thënë se nuk mund ta fitonte atë post pa dhënë një shumë të madhe parash.

“Unë erdha të kandidoj për postin e presidentit me duar në xhepa dhe me një projekt në mendje dhe në zemër, por gjëja e parë që më thanë njerëzit e futbollit këtu ishte: ‘Duhet të hedhësh 2 milion euro për të blerë votat, ndryshe nuk zgjidhesh dot në krye të FSHF­së.’ Në atë moment kuptova që njerëzit këtu kishin komplet tjetër koncept për futbollin nga ideja që unë kisha në kokë”, u shpreh Vata.