Është ekstraduar këtë të shtunë nga Maroku, portugezi Ruben Saraiva, i akuzuar për vrasjen e biznesmenit Ardian Nikulaj në Shëngjin. Ngjarja ndodhi më 19 Prill, ndërsa në foton e mësipërme është Saraiva, momentin e ekstradimit për në Shqipëri.
Operacioni është finalizuar nga Interpol Tirana, ndërsa janë dashur 7 muaj negociata, për të bindur autoritetet marokene mbi akuzat e ngritura për vrasje. Ruben Saraiva pritet të mbërrijë në Tiranë brenda 24 orëve të ardhshme, e më pas do të përballet me akuzat e drejtësisë shqiptare.
Për të njëjtën ngjarje që akuzohet vrasësi portugez, janë arrestuar në Angli 3 shtetas britanikë dhe Edmond Haxhia që dyshohet si porositës. Edhe për këta të fundit autoritetet shqiptare kanë dërguar kërkesë për ekstradimin e tyre nga Britania në Shqipëri. Vrasja e biznesmenit Ardian Nikulaj ishte në vazhdën e zinxhirit të hakmarrjes që familja e viktimës kanë me një fis tjetër në qytetin e Lezhës prej më shumë se dy dekadash.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
