Kreu i LSI-së, Petrit Vasili, reagoi në lidhje me deklaratat e ditëve të fundit nga drejtues të PS-së për qeverinë e pas 25 qershorit, të cilës ata i janë referuar si “makinë me një timon”.
Vasili thotë se se makinat me një timon dhe pa frena kanë gjithnjë fund të njëjtë, njësoj si në vitin 1994, kur u zhvillua referendum, ku njësoj kërkohej që vendi të drejtohej nga një forcë e vetme politike.
“E kam dëgjuar edhe në vitin 1994, kur mbahej referendumi për një timon në një makinë blu”, thotë Vasili. “Fundi i makinave me një timon dhe pa frena ka qenë gjithmonë i njëjtë. Populli është aty, më i vëmendshëm sesa në vitin 1994”, shprehet ai.
Një ditë më parë, kreu i PS-së së Tiranës, Saimir Tahiri, gjatë një takimi elektoral u shpreh se “makinë me dy timonë nuk mund të ketë dhe kjo është arsyeja se pse njerëzit duhet të votojnë PS-në si e vetmja zgjidhje për Shqipërinë që duam”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
