Presidenti i Venezuelës, Nicolás Maduro, është shprehur i gatshëm për të dialoguar me udhëheqësin e opozitës, Juan Guaidó, përmes ndërmjetësimit të Bashkimit Evropian, qeverisë së Norvegjisë dhe Grupit Ndërkombëtar të Kontaktit për Venezuelën.
"Tani Guaidó dëshiron të ulet me mua për të biseduar, jam dakord, me ndihmën e Bashkimit Evropian, Norvegjisë, Grupit të Kontaktit. Kur të duan, ku të duan dhe si të duan”, tha presidenti mbrëmë në televizionin shtetëror.
Deklarata e Maduros vjen vetëm disa orë pasi Guaidó tha se ishte "i gatshëm" për të rifilluar bisedimet me qeverinë e Presidentit Maduro për të kërkuar zgjedhje të lira. Gjatë një konference shtypi dje në një shesh në Caracas, Guaidó gjithashtu spekuloi se Norvegjia mund të jetë lehtësuesi i këtij procesi të ri që duhet të zhvillohet si pjesë e një 'Marrëveshje Kombëtare të Shpëtimit'.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
