Ministria e shëndetësisë në Gaza thotë se forcat izraelite kanë vrarë tre palestinezë në protesta të vazhdueshme në kufirin me dy vendeve.
Më shumë se 300 të tjerë janë në spital pasi janë plagosur me armë zjarri dhe efektet e gazit lotsjellës kanë sjell probleme shëndetësore për ta.
Ushtria izraelite tha se më shumë se 10,000 palestinezë kishin protestuar pranë kufirit duke sulmuar ushtarët dhe trupat e saj kishin qëlluar në përputhje me rregullat e angazhimit.
Tubimi më i madh ishte afër Khan Yunis, ku një grup i vogël protestuesish kaluan kufirin me Izraelin pas prerjes së pjesës së telit të gardhit.
Sipas BBC, kjo është java e pestë radhazi e protestave masive në kufi.
Protestuesit palestinezë po kërkojnë që refugjatët të lejohen të kthehen në tokën stërgjyshore në Izrael.
Izraeli ka akuzuar Hamasin, grupin militant që kontrollon Gazën, për përdorimin e protestave si një justifikim për të nisur sulme ndaj Izraelit.
Lëvizja e protestës është zyrtarisht e pavarur, por ka mbështetjen e Hamasit.
Ashtu si në të premteve të fundit, protestuesit u mblodhën në pesë vende që ata kishin vendosur pranë rrethojës rrethues.
Trupat izraelite kanë vrarë më shumë se 40 vetë që kur demonstratat filluan më 30 mars dhe më shumë se 5.000 besohet të jenë plagosur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
