Prej ditësh çmimi i naftës në Shqipëri ka pësuar rritje dhe vijon edhe sot.
Shoqërisë i është bërë thirrje sot për protestë nga ana shoqërisë civile. Lidhur me këtë, aktivisti Rigels Xhemollari, tha në studion e “MCN live”, se situata është jashtë kontrollit, falë abuzimeve që po bëjnë tregtarët e papërgjegjshëm.
Kjo është vijim i protestës që kemi filluar që nga muaji tetor, sepse gjatë kësaj periudhë nuk u ndërmarre asnjë masë nga shteti, VKM që i paraqitëm Këshillit të Ministrave, nuk morën parasysh. Ne kemi ftuar fermerët, biznesin e vogël, taksistët, studentët, pra grupet që preken nga kjo rritje. Jemi në një situatë ku nuk mban më, dhe nëse nuk ndalemi, dinjiteti i qytetarëve do të nëpërkëmbet.
Kryeministri Rama deklaroi dje se rritja e çmimit ndikohet nga bursa dhe lufta dhe se nuk ka fuqi për ndërhyrje. Sipas Xhemollarit, shteti po bën rolin e orakullit, e jo të kontrolluesit nga abuzimet që po ndodhin.
Rama dhe ministrja Balluku i dhanë dje rrugë abuzimit, ata ose kanë probleme me perceptimin e problemit, ose bëjnë sikur. Nafta u duhet të gjithëve, është mjeti kryesor burimor për ekonominë.
Në këtë rast shteti bën rolin e orakullit, sinoptikanit, bën parashikime, thonë ju bëni një jetë tjetër, se kështu do të ndodhë. Bota ka pasur rritje por ka qenë rritje e moderuar, ku shteti ka luajtur rolin kontrollues, jo parashikues.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
