Eurodeputeti spanjoll i ekstremit të djathtë Alvise Perez pranoi se ka marrë 100.000 euro në kriptovaluta të padeklaruara nga një biznesmen për të financuar pjesërisht fushatën e tij për zgjedhjet europiane dhe bëri thirrje për një “rebelim tatimor” kundër shtetit spanjoll.
I zgjedhur në zgjedhjet e fundit europiane, Alvise Perez, kreu i partisë së ekstremit të djathtë Se acabo la Fiesta (SALF), është nën hetim për financim të parregullt të fushatës dhe zbulim të informacioneve private.
Në një video në kanalin e tij Telegram të enjten më 26 shtator, ai pranoi me sarkazëm se i kishte marrë paratë, duke këmbëngulur se fatura ishte për një shërbim privat.
“Unë jam fajtor, fajtor që kam bërë një punë si profesionist i lirë, nga i cili shteti më pas merr gjysmën. Unë jam fajtor për veprimin e vetëmbrojtjes përballë terrorizmit fiskal shtetëror”, tha ai, duke u bërë thirrje qytetarëve spanjollë që të shmangin çdo taksë që mundeni dhe të mos i paguajnë.
Videoja pasoi nisjen e një hetimi nga prokurorët spanjollë për financime të supozuara të paligjshme.
Hetimi filloi pasi Alvaro Romillo, themeluesi i platformës së kriptomonedhës Madeira Invest Club (MIC), zbuloi në një letër drejtuar zyrës së prokurorit të përgjithshëm se ai i kishte dorëzuar 100.000 euro Perez gjatë fushatës, veçanërisht për të promovuar MIC në aktivitetet publike të partisë së drejtuar prej tij.
Zbulimi u raportua për herë të parë nga El Diario.
Javën e kaluar, MIC mbylli llogaritë dhe faqet e saj të internetit në mediat sociale dhe falimentoi.
Prokuroria publike e ka referuar ankesën në gjykatën e lartë spanjolle, e cila është përgjegjëse për hetimin e Perezit, pasi ai është eurodeputet dhe gëzon imunitet parlamentar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
