Nënkryetarja e LSI-së, Monika Kryemadhi, thotë se pas largimit të Ilir Metës drejt Presidencës, partia do të jetë më e lirë. Kryemadhi e bëri këtë deklaratë mbrëmjen e së enjtes në një debat përballë gazetarëve në emisionin “Të paekspozuarit”, ku komentoi edhe marrëveshjen e djeshme të LSI-së me PDS-në e Paskal Milos.
“Me ikjen e Metës, tani do shpërthejë LSI. Ai na mbante në këmishë hekuri. Na thoshte: ‘Mos shani, mos kritikoni’. Po tani më mirë të ‘puthemi’ me Milon, se me ndonjë parti tjetër që s’njihet. Ilir Meta 5 vite do jetë president. Meta mund të ketë ambicie për të marrë mandatin e dytë si president”, u shpreh Kryemadhi.
Kryemadhi theksoi se ka kritikuar bashkëshortin e saj për disa çështje, siç ishte ligji i Arsimit të Lartë.
“Sa herë e kam akuzuar unë Ilir Metën. Ose e kam sulmuar unë, o s’ka. Unë e kam kritikuar shumë Ilir Metën për ligjin e Arsimit të Lartë. Pa pikë turpi ministra dhe rektori thanë se do i rregullojnë ligjin dhe s’e bënë”, tha Kryemadhi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
