Kryetari i Partisë Demokratike, Lulzim Basha duket se e ka refuzuar thirrjen e Presidentit Meta për të bërë hapa pas për zgjidhjen e krizës politike në vend.
Në një prononcim për mediat, pas takimit që kreu i demokratëve pati me presidentin Slloven, Basha tha se nuk do të ketë më hapa pas, por vetëm hapa përpara deri në largimin e kryeministrit Rama.
“Nuk kam ndërmend të komentoj asnjë deklaratë të presidentit Meta, por mund t’ju them se në përballjen me krimin e organizuar dhe një qevei të kapur në bashkëpunim me krimin e organizuar për të vjedhur zgjedhjet dhe për të vjedhur paratë e shqiptarëve , nuk ka për të pasur ansjë hap pas. Ka për të patur vetëm hapa përpara se vetëm hapat përpara, largimi një orë e më parë i Edi Ramës dhe një qeveri e palidhur me krimin e organizuar, që mundëson zgjedhje të lira e të ndershme, do t’u japë shqiptarëve atë që meritojnë: një parlament dhe qeveri prodhim i votës dhe vullnetit të tyre dhe jo prodhim i niçeve, i bajrave, i shullazëve me shokë. Në raport me këtë çështje, asnjë hap pas, por vetëm hapa përpara, duke nisur nesër me bashkimin e qytetarëve në protest para Asamblesë së dalë nga vota e krimit dhe jo nga vota e qytetarëve”, tha Basha.
Kreu i PD, komentoi edhe vendimet e disa kandidatëve në listat e zgjedhore për marrjen e mandateve dhe tha se vendimet e tyre për mandatin e deputetit nuk kanë efekt në rrugën që opozita po ndjek.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
