Disa persona në Shqipëri janë dëmtuar monetarisht nga një lojë mashtruese me kompjutera që imitojnë numrin e telefonit, bën me dije kryeministri Rama.
Në një postim në “X” ai thotë se ndërkohë që policia vazhdon punën e saj, u sugjeron atyre që marrin mesazhe në emrin e personave publikë, të shmangin kurthin.
"Një lojë mashtruese me kompjutera që imitojnë numrin e telefonit ka dëmtuar disa persona deri më sot. Policia e Shtetit ka ndaluar dhe çuar para drejtësisë disa prej këtyre mashtruesve, të cilët kanë arritur të marrin para prej të dëmtuarve. Por ndërkohë që policia vazhdon punën e saj për identifikimin e të tjerëve, u sugjeroj të gjithë atyre që marrin mesazhe në emrin e personave publikë, të verifikojnë paraprakisht vërtetësinë e dërguesit, që të shmangin kurthin e kësaj loje kriminale”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
