Shehi: Kodi Zgjedhor u bë dhunshëm nga Rama e Berisha që të mos ketë parti tjetër të përfshirë. Idiotësi, përveç se poshtërsi (VIDEO)

Ndryshimi i Kodit zgjedhor dhe raporti me drejtësinë janë pikat që ndajnë Dashamir Shehin me kolegët e opozitës për të hyrë së bashku në zgjedhjet e vitit 2025.

Në studion e emisionit “MCN live”, kryetari i LZHK-së, thotë se që në krye të herës miratimi i Kodit të ri Zgjedhor u bë dhunshëm nga Rama e Berisha për tu mos u futur në fushën e tyre.

Është një marrëveshje antikushtetuese, e pamoralshme, ajo e  vinit 2009 që prodhoj këtë sistem të ri politikë të ri në Shqipëri që u mbylli derën për 15 vjet partive të vogla alternative në vend që nuk i lënë të bëhen të mëdha.

Është ndër marrëveshjet më të rënda që hyhet në zgjedhje në këto 15 vite.   

Më këtë ligj për të hyrë në parlamente 19% të votave që nuk është në asnjë vend, ky lloj barbarizmi mbi demokracinë , mbi pluralizmin që ë kanë bërë dy vetë.

Nuk e kanë bërë partitë, e ka bërë Rama dhe Berisha, e kanë bërë atëherë dhe sot.

D.m.th. e kanë bërë në mënyrë të dhunshme që të mos u hyj njëri tjetër në fushë, është idiotësi, përveç se poshtërsi.

Shehi thotë se është për përmbysje të sistemit zgjedhor, që sipas tij pjesa tjetër e opozitës nuk e ka këtë dëshirë, ndërkohë që numëroi se në cilat pika nuk puqen me partitë tjera.

Nëse ligji do të ndryshojë do ta shohim cilat janë mundësitë. Nëse pozicioni i kolegëve opozitarë do të ndryshojë, do ta shohim.

Jemi vetëm se sot për sot nuk puqemi me opozitën në shumë pika; në raportin me drejtësinë, në raport me ndërkombëtarët, nuk puqemi për ndryshimet e ligjit zgjedhor dhe për pjesëmarrjen në parlament, që tani fatmirësisht kanë hyrë në parlament dhe unë kam frikë se kjo punë u bë vetëm për atë punë e dialogut.  

Unë jam përtej koalicioneve, për përmbysje të sistemit zgjedhor, të hapen listat të shtohen zonat elektorale, të hapen listat dhe mos votojnë vetëm flamurin e partisë por edhe fytyrën e deputetit. Kolegët opozitarë nuk kanë të njëjta dëshira me ne.