Pas lajmeve të dopingut që përfshinë peshëngritjen shqiptare, Briken Calja me paraqitjene tij në Kampionatin Europian që po zhvillohet në Bukuresht të Rumanisë, ka valëvitur flamurin kuqezi në majën e podiumit.
Peshëngritësi shqiptar ka vendosur diktatin në Europianin e Peshëngritjes, ku 28-vjeçari triumfoi në të gjitha disiplinat duke rrëmbyer tre medalje ari.
Në Europianin e pëshëngritjes Calja realizoi të tre provat e tij në stilin e shkëputjes duke ngritur fillimisht peshën 141 kilogram, me shumë lehtësi. Në provën e dytë, 28-vjeçari ngriti 143 kilogram për ta mbyllur më pas me peshën 146 kilogram dhe duke "rrëmbyer" medaljen e artë në këtë stil.
Calja e nisi garën me 171kg, kur të tjerët thuajse e kishin përfunduar atë dhe e realizon me sukses provën e parë. Por në të dytën shtangisti kuqezi dështon të ngrejë 175kg, peshë të cilën e realizon me sukses në provën e tretë, duke siguruar kështu medaljen e artë edhe në këtë stil. Në dygarësh, Calja renditet sërish i pari, me 321kg në total, duke fituar kështu 3 medalje të arta në Europian, duke qenë absolut në peshën 69kg.
Medaljet e artë nga Calja pritet të ndryshojnë imazhin e Shqipërisë në arenën ndërkombëtare pas problemeve të vazhdueshme me dopingun.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
