Izraelitët mbajnë sot një ditë zie për të shënuar një muaj nga sulmi tronditës i 7 tetorit nga grupi terrorist Hamas, në të cilin u vranë mbi 1400 persona, shumica e tyre civilë dhe rreth 240 u morën peng.
Në orën 11:00 në mbarë vendin do të mbahet një minutë heshtje dhe autoritetet lokale në të gjithë vendin do të ulin flamurin në gjysmë shtizë.
Gjatë gjithë ditës do të mbahen edhe ceremoni përkujtimore në shkolla dhe universitete.
Më vonë gjatë pasdites, njerëzit do të mblidhen në sheshet e qytetit dhe zona të tjera qendrore për të ndezur qirinj në kujtim të ushtarëve të rënë dhe civilëve të vrarë.
Në Tel Aviv, një shërbim përkujtimor për familjet e viktimave do të mbahet duke filluar nga ora 18:30 në Heichal HaTarbut, zyrtarisht Auditoriumi Charles Bronfman, me një performancë të Orkestrës Filarmonike të Izraelit.
Në Jeruzalem do të mbahet një tubim përkujtimor dhe protestues nga familjet e viktimave duke filluar nga ora 19:30 para Knesset.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
