Kryeministri Edi Rama ironizon reagimet e opozitës, pas përmbylljes së procesit të votimit dhe numërimit në pjesën më të madhe të KZAZ-ve.
Duke iu referuar deklaratave të opozitës, sipas të cilës, shqiptarët e refuzuan dje me indiferencë regjimin e korruptuar të Ramës, ky i fundit sugjeron që e djathta të lexojë siç duhet mesazhin që përcollën votuesit.
“Gjyshja ime thoshte po s’e kuptove pse ke humbur, s’e kupton dot pse tjetri ka fituar dhe humbet prapë. Ndërsa unë për vete kam mësuar që kur fituesi nuk kupton se ka fituar ngaqë dikush tjetër ka humbur, atëherë ai rrezikon ta humbasë fitoren e tij”, shkruan Rama në Tuiter.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
