Të paktën 28 persona janë vrarë dhe 54 janë plagosur në një sulm ajror izraelit në një shkollë ku strehohen familjet e zhvendosura në qytetin qendror të Gazës, Deir al-Balah, kanë thënë mjekët për agjencinë e lajmeve Reuters.
Në një deklaratë të lëshuar tani, Forcat Mbrojtëse të Izraelit (IDF) thonë se ata "kryen një sulm të saktë ndaj terroristëve që po vepronin brenda një qendre komandimi dhe kontrolli në zonën e Deir al-Balah".
"Qendra e komandës dhe e kontrollit, e cila ishte e vendosur brenda një kompleksi që më parë shërbente si Shkolla Rufaida, u përdor nga terroristët për të planifikuar dhe ekzekutuar sulme terroriste kundër trupave IDF dhe shtetit të Izraelit."
Hamasi ka mohuar më parë përdorimin e shkollave dhe vendeve të tjera civile për qëllime ushtarake. IDF thotë se "janë marrë hapa të shumtë për të zbutur rrezikun e dëmtimit të civilëve, duke përfshirë përdorimin e municioneve të sakta, mbikëqyrjen ajrore dhe inteligjencën shtesë".
Konflikti tashmë ka detyruar 1.2 milionë njerëz të largohen nga shtëpitë e tyre. Zonat më të prekura janë Libani jugor, Lugina lindore Bekaa dhe periferitë jugore të Bejrutit, vende ku Hezbollahu ka një prani të fortë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
