Kryeministri i Kosovës, Albin Kurti, zhvilloi një takim me homologun e Maqedonisë së Veriut, Dimitar Kovaçevski.
Takimi mes tyre u bë gjatë konferencës për Siguri, në Mynih të Gjermanisë,
Kurti e uroi homologun Kovaçevski për detyrën e re dhe drejtim të suksesshëm të qeverisë, duke i ofruar bashkëpunim të ngushtë.
Gjatë takimit Kurti, e njohu homologun me arritjet e Kosovës gjatë vitit 2021, duke nënvizuar rritjen dyshifrore ekonomike, rritjen e eksporteve dhe investimeve të huaja me 2/3-tat.
Kurti tha se Kosova ka shënuar përmirësim rekord vjetor për 17 vende në indeksin e Transparency International për perceptimin e korrupsionit.
Në vijim shtoi se në të njëjtën kohë, nga vendi i fundit në rajon për nga përqindja e popullatës së vaksinuar kundër COVID-19, Kosova sot renditet në vendin e parë në Ballkanin Perëndimor.
“Në shtatorin e vitit të kaluar është mbajtur mbledhja e parë e përbashkët në mes Qeverisë së Republikës së Kosovës dhe asaj të Republikës së Maqedonisë së Veriut. Kjo mbledhje ishte konfirmim i marrëdhënieve miqësore dhe bashkëpunimit të mirë në mes dy vendeve. Gjatë takimit të sotëm u diskutua mbi statusin dhe progresin e marrëveshjeve dhe memorandumeve të nënshkruara gjatë mbledhjes së përbashkët. Muajin tjetër bëhen gjashtë muaj nga mbledhja e përbashkët, dhe me këtë rast pritet të bëhen vlerësimet e para të progresit dhe zbatimit të marrëveshjes nga dy zyrat respektive”, tha Kurti
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
