Tre pengje izraelitë të mbajtur nga Hamasi janë liruar mëngjesin e sotëm. Izraelito-argjentinasi Iair Horn, 46 vjeç dhe ruso-izraeliti Sasha Troufanov, 29 vjeç, u mbajtën të burgosur nga Hamasi, ndërsa Xhihadi Islamik kishte në duart e tij dhe izraelito-amerikanin Sagui Dekel-Chen, 36 vjeç.
Që të tre ishin rrëmbyer nga Kibbutz Nir Oz, ndërsa në duart e Hamasit janë ende 76 pengje.
Para dorëzimit, delegatja e Kryqit të Kuq u ngjit në skenë dhe nënshkroi dokumentet që një militant i Hamasit i dorëzoi asaj.
Të tre pengjet e liruar, u detyruan të ngjiteshin u në të njëjtën skenë dhe, pranë milicëve të armatosur folën shkurtimisht në mikrofon njëri pas tjetrit, në një ceremoni që zgjati disa minuta.
Horn, Troufanov dhe Dekel-Chen u morën më pas nga automjetet e Kryqit të Kuq.
Automjetet e Kryqit të Kuq Ndërkombëtar mbërritën në Khan Younis rreth orës o8:45 me orën tonë për të marrë përgjegjësinë e tre pengjeve izraelitë.
Televizioni izraelit Channel 12 i transmetoi pamjet drejtpërdrejt. Ndërkohë në shkëmbim, 369 palestinezë të mbajtur në paraburgim izraelit do të lirohen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
