Billbordet me foton e Zonjës së Parë të Amerikës janë hequr nga rrugët e kryeqytetit kroat pasi avokati i saj paralajmëroi se do të hidhte në gjyq ata që e kishin përdorur imazhin e saj për të reklamuar një shkollë në Zagreb.
“Imagjinoni sa larg mund të shkoni me pak anglisht”, thuhej në tekstin e reklamës së një shkolle për mësimin e anglishtes.
Billbordet ishin pjesë e një fushate marketingu përmes të cilës synohej ndërgjegjësimi i kroatëve për të mësuar anglisht duke u kujtuar përvojën e Zonjës së Parë që ka lindur në Slloveni.
Por Zonja Trump mesa duket nuk e ka pranuar atë që ishte konceptuar si shaka mbi anglishten e saj me theks slloven.
Avokati i saj slloven kërkoi që të gjitha billbordet në të cilat Melania Trump shfaqet duke mbajtur një fjalim ndërsa në sfond duket flamuri amerikan, të hiqen menjëherë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
