Për herë të parë në histori, BE gati të dërgojë armë në Ukrainë/ Von der Leyen: Moment vendimtar

Bashkimi Evropian ka dalë sot me një deklaratë të rëndësishme, ndërkohë që kemi hyrë në ditën e katërt të sulmit rus në Ukrainë.

Presidentja e Komisionit Evropian Ursula von der Leyen tha se Brukseli synon të fillojë dërgimin e armëve në Ukrainë, hera e parë që ndërmerret një veprim i tillë në historinë e unionit. 

Duke folur në një konferencë për mediat, von der Leyen tha se masa shënon një moment vendimtar dhe historik.

Po ashtu presidentja e Komisionit Evropian foli për një sërë sanksionesh të reja që kanë në target Rusinë dhe Bjellorusinë, ku avionët e Moskës do ndalohen nga hapësira ajrore evropiane.